ಜನಪದ ಕನಸುಗಳಲ್ಲಿ ಗಾದೆ ಮತ್ತು ನಂಬಿಕೆ
- ೧.ಅಂಬಲಿಗೆ ಗತಿಯಿಲ್ಲ ಅಂಬಾರಿ ಕನಸು
- ೨.ಕನಸಿನ ಸುಖ ನೆನಸಿದರ ಬರಿ ದು:ಖ
- ೩.ಇರುಳು ಕಮಸಿನಲಿ ಕಂಡ ಭತ್ತಕ್ಕೆ ಹಗಲು ಗೋಣಿ ಹಾಸಿದ ಹಾಗೆ
- ೪.ಕನಸಿನಲಿ ತಾಳಿ ಕಟ್ಟಿ ಬೆಳಗಾದ್ಮೇಲೆ ಹೆಂಡ್ತಿ ಹುಡುಕಿದನಂತೆ
- ೫.ಸತ್ತ ಗಂಡ ಸ್ವಪ್ನಕ್ಕೆ ಬಂದ್ರೆ ಹಿಟ್ಟು ಬಟ್ಟೆ ಕೊಟ್ಟಾನಾ
- ೬.ಕೋಳಿ ಗೂಡೊಳ್ಗೆ ಕೂತ್ಗೊಂಡು ದೇವಲೋಕದ ಕನಸ ಕಾಣ್ತಿತಂತೆ
- ೭.ಹಗಲುಗನಸಿನ ಸವಿ ಇರುಳುಗನಸಿಗೆ ಬಂದಿತೆ
- ೮.ಮೂಕನ ಕನಸು(ಸ್ವಪ್ನ) ಹೇಳಲಿಕ್ಕೆ ಬಾರದು
- ೯.ಕನಸಿನ ಗಂಡನನ್ನು ಲೆಕ್ಕಕ್ಕೆ ಸೇರಿಸಿಕೊಂಡ ಹಾಗೆ
- ೧೦.ಕನಸ್ನಲ್ಲಿ ತಿನ್ನೋನಿಗೆ ಮೊಸರನ್ನಕ್ಕೆ ಕೊರತೆಯೇ!
- ೧.ಮೊದಲ ಜಾವದ ಕನಸಿನ ಫಲಾಫಲಗಳು ಒಂದು ಸಂವ್ಸರದೊಳಗೆ ಫಲಿಸುತ್ತವೆ.
- ೨.ಎರಡನೆ ಜಾವದ ಕನಸಿನ ಫಲಾಫಲಗಳು ಎಂಟು ತಿಂಗಳೊಳಗೆ ಫಲಕಾರಿಯಾಗುತ್ತವೆ.
- ೩.ಮೂರನೆ ಜಾವದ ಕನಸಿನ ಫಲಾಫಲಗಳು ಮೂರು ತಿಂಗಳೊಳಗೆ ಫಲಿಸುತ್ತವೆ.
- ೪.ನಸುಕಿನ ಜಾವದ ಕನಸಿನ ಫಲಾಫಲಗಳು ಹತ್ತು ದಿನಗಳಲ್ಲಿ ಫಲಿಸುತ್ತವೆ.
- ೫.ಆರರ ಹೊತ್ತಿನ ಕನಸಿನ ಫಲಾಫಲಗಳು ಆ ದಿನದಲ್ಲಿಯೇ ಫಲ ನೀಡುತ್ತದೆ.
- ೬.ದಕ್ಷಿಣದಿಕ್ಕಿಗೆ ಪ್ರಯಾಣ ಮಾಡುವಂತಹ ಕನಸು ಕಂಡರೆ ಆರು ತಿಂಗಳೊಳಗೆ ಸಾವು ಸಂಭವಿಸುತ್ತದೆ.
- ೭.ತಲೆ ಮೇಲೆ ಕೊಂಬು ಬಂದಂತೆ ಕನಸು ಕಂಡರೆ ಅಧಿಕಾರ ,ಗೌರವ ಲಭಿಸುತ್ತದೆ.
- ೮.ಬಸುರಿ ಹೆಂಗಸರು ಕನಸಿನಲ್ಲಿ ತುಂಬು ಗರ್ಭಿಣಿಯೊಂದಿಗೆ ಮಾತಾಡಿದರೆ ಅವಳಿ-ಜವಳಿ ಮಕ್ಕಳಾಗುತ್ತವೆ.
- ೯.ಕನಸಿನಲ್ಲಿ ಮನೆ ಮುಂಭಾಗ ಕಾರು, ಬಸ್ಸು, ಲಾರಿ, ಜೀಪು ಮುಂತಾದ ವಾಹನಗಳು ಬಂದು ನಿಂತರೆ ಆ ಮನೆಯಲ್ಲಿ ಸಾವಾಗುತ್ತದೆ.
- ೧೦.ಕನಸಿನಲ್ಲಿ ಮಾಂಸದ ಊಟವನ್ನು ಮಾಡಿದರೆ ಹತ್ತಿರ ಸಂಬಂಧಿಕರು ಸಾಯುತ್ತಾರೆ.
