ಈ ಪುಟವನ್ನು ಪರಿಶೀಲಿಸಲಾಗಿದೆ
338 ಕರ್ಣಾಟಕಕವಿಚರಿತೆ [16ನೆಯ
ಚಭೂತಗಳ ಸೇರುವೆಯನ್ನು ನಿರೂಪಿಸುತೇವೆ. ಈ ಗ್ರಂಥದಿಂದ ಒಂದೆ
ರಡು ಪದ್ಯಗಳನ್ನು ಉದಾಹರಿಸುತ್ತೆವೆ
ತವೆ ನಭವೇ ತಾಂ ಜ್ಞಾನಾಸ್ಪದವಾ | ಪವನನೊಳೆಯ್ದಲ್ ಮನವಾಯ್ತಗ್ನಿಯ |
ನವಗಾಹಿಸಿ ಬುದ್ದಿಯದಾಯ್ತಂಬುವನೊಂದಲ್ ಚಿತ್ರವದು ||
ಅವನಿಯ ಬೆರಸಲಹಂಕೃತಿಯಾಯ್ತಿಂ | ತಿವು ತಾಂ ಜ್ಞಾನಾದ್ಯಂತಃಕರಣ |
ವಿಸಲಂಬರದಂಶದಿನುದಿಸಿರ್ಪುವು ನಿಶ್ವಯದಿಂದ ||
ಮರುತಾಂತಂ ನಭಕೆಯ್ದೆ ಸಮಾನಂ | ಮರುತಂ ತಾಂ ವ್ಯಾನಂ ಮರುತಾಂಶ |
ಬೆರಸಿರೆ ಶಿಖಿಯೊಳುದಾನಂ ಚಲದೊಳ್ ಕೂಡಲಸಾನವದು
ಧರೆಯೊಳಗೊಂದಲ್ ಪ್ರಾಣಂ ಜನಿತಂ ಮರುತಾಂಶದ ಮಾರುತಪಂಚಕಗಳು|
ಮುಕಿಸಲುದಿಸಿದವೆಂದುಸಿರುವರಧ್ಯಾತ್ಮಿಗಳನವರತಂ ||
ಈ ಪದಗಳಿಗೆ ಒಂದು ಕನ್ನಡವ್ಯಾಖ್ಯಾನವೂ ಇದೆ.
---
ಮಲ್ಲಿಕಾರ್ಜುನರಾಯ ಸು. 1600
ಇವನು ಚೋರಕಥೆಯನ್ನು ಬರೆದಿದ್ದಾನೆ. ಇತನು ವೀರಶೈವಕವಿ.
ಪೂರ್ವಕವಿಗಳಲ್ಲಿ ಮಲುಹಣ, ಮಯೂರ, ಕಾಳಿದಾಸ, ಹಂಪೆಯಹರೀಶ,
ರಾಘವಾಂಕ ಇವರುಗಳನ್ನು ಸ್ಮರಿಸಿದ್ದಾನೆ. ಇವನ ಕಾಲವು ಸುಮಾರು
1600 ಆಗಿರಬಹುದು.
ಇವನ ಗ್ರಂಥ
ಚೋರಕಥೆ
ಇದು ತ್ರಿಪದಿಯಲ್ಲಿ ಬರೆದಿದೆ; ಸಂಧಿ, ಪದ್ಯ 770, ಇದರಲ್ಲಿ
ರತ್ನಾಪುರಿಯನ್ನು ಆಳುತ್ತಿದ್ದ ವಜ್ರಮಕುಟರಾಯನ ಇಬ್ಬರು ಮಕ್ಕಳು
ಚೋರರಾದ ಕಥೆ ಹೇಳಿದೆ. ಗ್ರಂಥಾವತಾರದಲ್ಲಿ ಈಶ್ವರಸ್ತುತಿಯೂ ಕೃಷ್ಣ
ಸ್ತುತಿಯೂ ಇವೆ.
----
ಶೃಂಗಾರಕವಿ ಸು. 1600
ಈತನ ಕರ್ಣಾಟಕಸಂಜೀವನವೆಂಬ ನಿಘಂಟುವನ್ನು ಬರೆದಿದ್ದಾನೆ.
ಇವನು ಜೈನಕವಿ; ರಸಿವಾಳಿಗೆ ಪ್ರಭುವಾದ ಬೊಮ್ಮರಸನಾಯ
