ಪ್ರಕರಣ ಹನ್ನೊಂದು ಪರಮಾತ್ಮನ ಸ್ವರೂಪ
ಸಮಗ್ರ ಆಧ್ಯಾತ್ಮ ಜೀವನದ ಸಂಕ್ಷೇಪರೂಪ (ರಾಗ-ಕಾಂಬೋದಿ, ತಾಲ, ತಂಪೆತಾಲ)
ಅಂತರಂಗದ ಕದವು ತೆರೆಯಿತಿಂದು | ಇಂತು ಪುಣ್ಯದ ಫಲದ ಪ್ರಾಪ್ತಿಯಾಯಿತು ಎನಗೆ
ಏಸು ದಿನವಾಯಿತೊ ಬೀಗ ಮುದ್ರೆಯ ಮಾಡಿ | ವಾಸವಾಗಿದ್ದರೆ ದುರುಳರಲ್ಲಿ ||
ಮೋಸವಾಯಿತು ಇಂತು ಬರಿದೆ ಇಂದಿನ ತನಕ | ಸೂಸಿರ್ದ ತಮಸಿನಿಂ ಕಾಣುತಿದ್ದಿಲ್ಲ
ಹರಿಕರುಣವೆಂಬುವ ಕೀಲಿಕೈ ದೊರೆಯಿತು | ಗುರುಕರುಣವೆಂಬಂಥ ಶಕ್ತಿಯಿಂದ ||
ವರಭಾಗವತರ ಸಹವಾಸವನು ನಾ ಮಾಡಿ | ಹರಿಭಜನೆಯಿಂದಲೀ ಬೀಗವನ್ನು ತೆಗೆದೆ
ಸುತ್ತಲಿದ್ದವರೆಲ್ಲ ಎತ್ತಲೋ ಓಡಿದರು | ತತ್ವಚಿಂತನೆಯೆಂಬ ದೀಪವನ್ನು |
ಒತ್ತಾಗಿ ಹಿಡಕೊಂಡು ದ್ವಾರವನು ಪೋಗಲು | ಎತ್ತ ನೋಡಿದರು ಶೃಂಗಾರ ಸದನ
ಹೊರಗೆ ದ್ವಾರವು ನಾಲ್ಕು ಒಳಗೈದು ದ್ವಾರಗಳು | ಒಳದಾರಿಯಲ್ಲಿ ಪ್ರಾಣಾದಿ ಪ್ರಿಯರು ||
ಮಿರುಗುವ ಮಧ್ಯಮಂಟಪದಿ ಕೋಟ ರವಿಯಂಥ ಸರಸಿಜಾಸನ ಬತನ ಅರಮನೆಯ ಸೊಬಗು
ಮೂರ್ತಿಗಣಮಧ್ಯ ಸಚ್ಚಿದಾನಂದೈಕ್ಯ | ರಮೆಯೊಡೆಯ ನಗೆಮೊಗದಿ ಮಿನುಗುತಿರುವ ||
ಕಮಲಜಾದಿಗಳಿಂದ ಸ್ತುತಿಸಿಕೊಳುತಿಹ ಹೃದಯ ಕಮಲದೊಳಗಿಹ ವಿಜಯವಿಠಲನನು ಕಂಡೆ
