ಈ ಪುಟವನ್ನು ಪರಿಶೀಲಿಸಲಾಗಿದೆ
ಶತಮಾನ] ನಂಜುಂಡ, 206
ಇದು ಯದುಕುಲಾಮಾತ್ಯ ವಂಶದೊಳಗುದಯಿಸಿದ |
ಸದಮಲಯಶೋವಿರಾಜಿತವಿಜಯನೃಪತನುಜ |
ವಿದಿತವಿತರಣವಿನಯವಿಕ್ರಮವಿಭಾಸಿಯೆಂದೆನಿಪ ಮಾಧವನಾಮನ ||
ಉದರಾಬ್ಧಿಭವಚಂದ್ರ ನಂಜುಂಡನೊಲಿದೊರೆದ |
ಕದನಕಲಿಕಾಲಕಪಿಕೇತು ಕಲಿಶುಚಿರಾಮ |
ನುದಿತಕೃತಿಬಂಧದೊಳ್ ಮೃದುಪದನ್ಯಾಸದೊಳ್.
ಎಂಬ ಪದ್ಯವೂ ಗ್ರಂಥಾಂತ್ಯದಲ್ಲಿ
ಇದುಸಮಸ್ತಸುರಾಸುರಮೌಲಿಮಾಲಾಕೀಲಿತನೂತ್ನ ರತ್ನಪ್ರಭಾಪುಂಜರಂಜಿತಚ೦ ದ್ರಚೂಡಚರಣಾರವಿಂದಮಧೂಳೀಮಧುಕರಾಯಮಾನ ಮಾಧವಸೂನು ಕವಿತಾವಿಶಾರ
ದನಂಜುಂಡವಿರಚಿತಮಪ್ಪ ಕುಮಾರರಾಮಮಹಾಪ್ರಬಂಧದೊಳ್ ಎಂಬ ಗದ್ಯವೂ ಇವೆ.
ಇವನ ಬಂಧವು ಲಲಿತವಾಗಿದೆ ಈ ಗ್ರಥದಿಂದ ಕೆಲವು ಪದ್ಯಗಳನ್ನು ತೆಗೆದು ಬರೆಯುತ್ತೇವೆ...
ಸಮುದ್ರ
ಅರುಣಪ್ರವಾಳನಿಕರದಿನುತ್ಕಳಿಕಾ | ಭರದಿಂದ ಕುಶಚಯದಿಂದ |
ತಿರುಗುವ ವನಚರತತಿಯಿಂದಾಕಡ | ಲಿರದೆಸವುದು ವನದಂತೆ ||
ಕರ್ಣಾಟದೇಶ
ಕಾವೇರಿಯಿಂದ ಗೋದಾವರಿವರೆಗಮಿ | ರ್ದಾವಸುಧಾತಳವಳಯ |
ಭಾವಿಸೆ ಕರ್ಣಾಟಕ ಜನಪದವದ | ನಾವನೊಲಿದು ಬಣ್ಣಿಸುವನು ||
ನಡೆವಂಚೆ ನುಡಿವರಗಿಳಿ ನಲಿದಾಡುವ | ಬೆಡಗಿನ ನವಿಲು ಕೂಗಿಡುವ |
ಪಡಿಯಳವಕ್ಕಿ ಮೊರೆವ ಪರಮೆಗಳೆರ್ದೆ | ಗೆಡಿಪುವು ಪಧಿಕರನಲ್ಲಿ ||
ಮಡಿಯೆಂಬ ಮಾತು ಸಂಖ್ಯಾವಾಚಿಗಳ ಕಟ್ಟ| ಕಡೆಯೊಳು ಶಾಕವಾಟಿಯೊಳು |
ತಡೆಯದಾರಜಕರೊಳಲ್ಲದಾ ಜನಪದ | ದೆಡೆಯೊಳೆಲ್ಲೆಲ್ಲಿ ನೋಡಿದಡಂ||
ತುಂಗಭದ್ರೆ
ಮಡುವಿಂದ ಬಾನ್ಗುಳೈ ನೆಗೆವೆಳಮಿಾನ್ಗಳ | ಗಡಣದಿಂದಾನದಿಯೆಂಬ |
ಮಡದಿ ಮುದದೊಳಾಡುವಣ್ಣೆಕಲ್ಲ೦ತೆ ಕ | ಣ್ಗೊಡನೆಸೆದುದು ನೋಟಕರ ||
