ಈ ಪುಟವನ್ನು ಪ್ರಕಟಿಸಲಾಗಿದೆ
ಅರಿಕೆ
ಏನ ನೋಡಿದೆನೋ ನೋಡಲಿಲ್ಲವೋ-
ಏನ ಕಂಡೆನೋ ಕಾಣಲಿಲ್ಲವೋ-
ಏನ ಕಂಡು ಇನ್ನೇನಗೆತ್ತೆನೋ-
ಕಾಣದಾವುದನ್ನು ಕಂಡೆನೆಂಬೆನೋ-
ನಾನು ಅರಿಯೆನಿದ ನೋಡಬಂದವನು;
ನೀನೆ ಬಲ್ಲೆಯೈ ತೋರತಂದವನು;
ಕಾಣಲೆಂದು ಕಣ್ಮನವ ಕೊಟ್ಟವನು ;
ಜ್ಞಾನ ಸಾಧನವನೆನ್ನೊಳಿಟ್ಟವನು.
ಹೈದನೊಬ್ಬನನು ಕರೆದು ಕೈಯಲ್ಲಿ
ಕೈದನಿಟ್ಟು ಗೆಲುಹೋಗು ಎಂದೊಡೆ
ಕಾದಿ ಶತ್ರುವನು ಕೊಂದು ಬರ್ಪನೋ ?
ಕೊಯ್ದು ಕೊಂಬನೋ ತಾನೆ ತನ್ನನು ?
ಕೊಟ್ಟ ಓಜಸಿದ ನೋಡದಿರ್ದೊಡೆ
ಕೆಟ್ಟದಾಗದೆಂತಿಹುದು ಬಾಲಗೆ?
ನೆಟ್ಟಿನೊಳ್ಳಿದಕೆ ನಡೆವೆನೆಂತುಟು ?
ಹುಟ್ಟು ಬಣ್ಣವೇ ಸತ್ಯ ಮನುಜಗೆ ?
೬೨