ಪುಟ:ಮಿಂಚು.pdf/೧೭

ಮಿಂಚು

11

⁠('ನಿನ್ನದು ಗೆಸ್ಟ್ ರೂಮ್. ನನ್ನದು ಗೆಸ್ಟ್ ಹೌಸ್' —ಪುಟ್ಟವ್ವನ ಒಳದನಿ.)
⁠('ಯಾಕೊ, ಶಂಕೆ. ನನ್ನ ಶಿಷ್ಯೆ ಸುಳ್ಳಾಡುತ್ತಿಲ್ಲವಷ್ಟೆ? ಹಾಗೆ ನೋಡಿದರೆ ನಾನು ಹೇಳುತ್ತಿರುವುದೆಲ್ಲ ನಿಜವೆ ?'—ಎನಿಸಿತು ಬೆನ್‌ಗೆ.)
⁠ಅವಳು ಕೇಳಿದಳು:
⁠“ನಾನು ಕಲ್ಯಾಣನಗರಕ್ಕೆ ಬಂದರೆ ಆ ಗೆಸ್ಟ್ ಹೌಸಿನಲ್ಲಿರಿಸ್ತೀಯೊ ?”
⁠“ಕಟ್ಟಡಗಳು ಪೂರ್ತಿಯಾಗಲು ಎರಡು ಮೂರು ವರ್ಷ ಹಿಡಿದೀತು.”
⁠“ನನಗೇನೂ ಅವಸರವಿಲ್ಲ. ದಿಲ್ಲಿಯಲ್ಲಿ ನನಗೆ ಪ್ರಭಾವಶಾಲಿ ಸ್ನೇಹಿತರಿದ್ದಾರೆ. ಅವರಿಗೆ ಹೇಳಿ ಕಟ್ಟಡದ ಉದ್ಘಾಟನೆಗೆ ಪ್ರಧಾನಿಯನ್ನೇ ಗೊತ್ತುಪಡಿಸೋಣ.”
⁠“ನೀವು ಅಧ್ಯಕ್ಷೆಯಾಗಿ ಬನ್ನಿ.”
⁠“ನನ್ನ ದಿನಾಂಕಗಳು ನಿನಗೆ ಸರಿಹೋಗಬೇಕಲ್ಲ ಪುಟ್ಟಾ.”
⁠“ಲೇವಡಿ ಮಾಡ್ತಿದೀರಿ. ಅವತ್ತು ಹೇಗೆ ಇದ್ದಿರೋ ಹಾಗೆಯೇ ಇದ್ದೀರಿ ಇವತ್ತೂ.”
⁠ಇಲ್ಲಿಗೆ ಈಗ ನೀನು ಬಂದಿರೋ ಉದ್ದೇಶ ತಿಳೀತು. ಆಶ್ರಮದ ಭವನ ನಿರ್ಮಾಣಕ್ಕೆ ದೇಣಿಗೆ ಕೂಡಿಸಬೇಕು, ಅಲ್ಲವಾ ?”
⁠“ದುರ್ಬೀನು ಹಿಡಿದು ಒಳಗಿನದೆಲ್ಲ ತಿಳಕೊಂಡ್ಬಿಡ್ತೀರಿ ನೀವು!”
⁠“ಬಿಸ್ನೆಸ್ ನಾಳೆಗೆ ಇಟ್ಕೊಳ್ಳೋಣ. ಆದರೆ ನೀನು ಸ್ವಲ್ಪ ಸಮಯ ಇಲ್ಲಿರಬೇಕಾಗುತ್ತೆ."
⁠“ಧಾರಾಳವಾಗಿ ಇರ್ತೀನಿ. ಒಂದು ತಿಂಗಳು ಸಾಕಾ ?”
⁠“ನಾನೂ ನಿನ್ನ ಜತೆ ಹೊರಟರೆ ಸಾಕಾದೀತು.”
⁠“ನಿಮ್ಮನ್ನು ನಂಬಿಯೇ ನಾನು ಇಲ್ಲಿಗೆ ಬಂದಿರೋದು.”
⁠“ನೀನು ಹೋದಮೇಲೆ ಮವರು ಶಿಷ್ಯಯರನ್ನ ತಯಾರು ಮಾಡಿದೆ. ಉತ್ತರ ಪ್ರದೇಶದವರು. ಒಬ್ಬಳು ಅಲಹಾಬಾದಿನಲ್ಲಿದ್ದಾಳೆ. ಇನ್ನೊಬ್ಬಳು ಬಿಹಾರಿನಲ್ಲಿ. ಮೂರನೆಯವಳು ಕಲ್ಕತ್ತೆಯಲ್ಲಿ.”
⁠“ಅವರು ನನ್ನ ಹಾಗಲ್ಲ. ಕಾಗದ ಗೀಗದ ಬರೀತಿರಬಹುದು.”
⁠“ಅದಕ್ಕೆ ನಾನು ಪ್ರೋತ್ಸಾಹ ಕೊಡೋದಿಲ್ಲ.”
⁠“ಸರಿ, ಮತ್ತೆ. ನೀವು 'ಬರಿ ಪುಟ್ಟಾ' ಅಂದಿದ್ದರೆ ರೀಮುಗಟ್ಟಲೆ ಕಾಗದ ಕೊಳ್ತಿದ್ದೆ.”
⁠“ಒಂದು ಗೋದ್ರೆಜ್ ಕಪಾಟ ತುಂಬ ಫೋಟೋ ಆಲ್ಬಮುಗಳಿವೆ. ನಿಧಾನ ವಾಗಿ ನೋಡುವಿಯಂತೆ.”
⁠“ಹಳೇದು ಕೆಲವು ನಾನು ನೋಡಿರ್ಬೇಕು.”
⁠“ನನ್ನ ಅಲ್ಪಾಯು ಕಂದನನ್ನ ಎತ್ಕೊಂಡ ನನ್ನ ಬಾಣಂತಿತನದ ಚಿತ್ರ ನೆನಪಿದೆಯಾ ?”