ಈ ಪುಟವನ್ನು ಪರಿಶೀಲಿಸಲಾಗಿಲ್ಲ.
ನೋವು ೧೮೩
ಆಗ ದೇವತೆಗಳು ಅಳುವ ಬದಲು ನಗುತ್ತಿದ್ದರೇನೊ. ಅಥವಾ, ಸಿಟ್ಟಿನಿಂದ ಕೂಗಾಡು ತ್ತಿದ್ದರೊ? "ನೀ ನನ್ನ ಮದುವೆಯಾಗ್ತೀಯಾ, ಸುಬ್ಬಿ ?" ಎಷ್ಟು ಇಂಪಾಗಿತ್ತು ಧ್ವನಿ, ಎದೆಯೊಳಗೇನೋ ಕುಪ್ಪಳಿಸಿದ ಹಾಗಾಯಿತು ತನಗೆ. ತಾನು ಕೇಳಿದ್ದೆ: "ಏ, ಅದೆಂಗಾತದೆ " "ಯಾಕೆ ?ನೀನು ಯಾರ ಹೆಂಡತೀನೂ ಅಲ್ವಲ್ಲ?" "ಇಸ್ಸಿ" ಮಾತಿಗೆ ಅರ್ಥ ಬೇಡವೆ ? ಅವರು ಕೇಳಿದ್ದರು : "ಅಂದರೆ ? ನಾನು ಒಪ್ಪಿಗೆ ಇಲ್ಲ ಅಂತಲಾ ?" "ನಿಮ್ಮನ್ನ ನಾನು ಒಪ್ಕಂಡು ಎಷ್ಟೋ ವರ್ಸ ಆಯ್ತು." ಅದು ನಿಜ. ಸಾವಿರ ಬಾರಿಗೂ ನಿಜ. ಚಿಕ್ಕವಳಿದ್ದಾಗಿಂದ ಅವರನ್ನೇ ಅಲ್ಲವೆ ತಾನು ಗ೦ಡ ಎ೦ದು ಭಾವಿಸಿದ್ದುದು ? ಅವರೆಂದಿದ್ದರು : "ಎಲಾ ಕಳ್ಳಿ! ಇಷ್ಟು ದಿನ ಹೇಳೇ ಇರ್ಲಿಲ್ಲ..." "ನಾಚ್ಕೆ." "ಹಾಗಾದರೆ ನಡಿ. ದಿಬ್ಬದ ಹೊಂಡಕ್ಕೆ ಹೋಗೋಣ. ನಾಚ್ಕೆ ಬಿಟ್ಟು ಒಪ್ಪಿಗೆ ಅನ್ನೋದನ್ನೆ ತೋರಿಸ್ಕೊಡು." ಡವಡವನೆಂದಿತ್ತು ತನ್ನ ಎದೆಗುಂಡಿಗೆ. ತುಸು ಕಂಪಿಸುವ ಸ್ವರದಲ್ಲಿ ತಾನು ಪ್ರಶ್ನಿಸಿದ್ದೆ : "ಹೆಂಗೆ?" "ತುಟಿಗೆ ತುಟಿ..." "ಥುತ್! ! ಥುತ್ !" "ಹಾಗಾದರೆ ಠು ಬಿಟ್ಟೆ." "ನೀವು ಕೆಟ್ಟೋರು." ತನ್ನ ಪಾದಗಳು ನೆಲಕ್ಕೆ ಅಂಟಿಕೊಂಡುವು ಒಂದು ಕ್ಷಣ. "ಯಾಕೆ ? ನಿಂತುಬಿಟ್ಟೆಯಲ್ಲ ! ಎತ್ಕೊಂಡು ಹೋಗ್ಲೇನು ?" "ನನಗೆ ಭಯ ." "ನಾನಿದೀನಿ ಸುಬ್ಬೀ.” - ಶವ ಹದ್ದುಗಳು. ತಾವು ಓಡಿ ಬಂದೆವು... ನಾನಿದೀನಿ ಸುಬ್ಬಿ-ಎಂದು ಅವರು ನುಡಿದಾಗ ಎಷ್ಟೊಂದು ಧೈರ್ಯವಂತರಂತೆ ಕಂಡರು ! ನಾನಿದೀನಿ ಸುಬ್ಬಿ. ಅದೇ ಕೊನೆಯ ಮಾತು. ಅದೇ ಕೊನೆಯ ಮಾತು. ...ಕಿಟಿಕಿಯ ಬಳಿ ನಿಂತು ಯೋಚಿಸುತ್ತಿದ್ದ ಸುಭದ್ರೆಯ ಕಣ್ಣುಗಳು ಭಾರವಾದುವು.